Cookieak itxi
Mendiak

mendiak APP

Euskal Herriko mendien aplikazioa

Zure igoerak markatzeko jaitsi Mendiak

Google Play App Store
Cookie-ak erabiltzen ditugu, baina datu pertsonalak ez ditugu gordetzen. Onartu Informazio gehiago

Erronka: 100 Mendien Lehiaketa

Federazioak antolatzen duen "100 mendien lehiaketan" parte hartu nahi? Igo 100 mendi ezberdin 5-10 urte bitartean! Eta lortu gure dominak 10, 20, 40, 60, 80 eta 100 mendi igotzean! Animo! Gogoan izan, lehiaketa ofizialean parte hartzeko, Federatuta egon behar duzula.

Ehun Mendien Lehiaketa: Zer da?

Euskal Mendizale Federazioak (EMF) antolatzen duen mendi-erronka historiko eta ezagunena da (ikus araudi osoa Federazioaren webgunean).

Helburu nagusia:

Euskal Herriko 100 tontor esanguratsu igotzea, presarik gabe, Euskal Herriko eskualde eta tontorrak hobeto ezagutzeko helburuarekin eta mendizaletasuna sustatzeko asmoarekin. 

Arau eta ezaugarri nagusiak:

  • Katalogo ofiziala: Igotako gailurrek EMFren "Euskal Herriko Mendien Katalogo Ofizialean" egon behar dute (ikus PDF Katalogoa).
  • Erritmoa eta denbora: Urtean gehienez 20 mendi balioztatzen dira. Beraz, gutxienez 5 urte behar dira erronka burutzeko (ez da abiadura-lehiaketa bat, iraupenekoa baizik).
  • Egunean bakarra eta denak desberdinak: Egunean ezingo duzu mendi bat baino gehiago apuntatu; gehiago igotzen badituzu, bakarrak balioko dizu. Gainera, mendi bakoitzak bakarrik behin apuntatu dezakezu lehiaketa honetarako. Helburua da Euskal Herriko lurralde desberdinak ezagutzea.
  • Lurraldetasuna: Euskal Herriko zazpi herrialdeetako mendiak igo daitezke, baita gure mugen ondoan dauden beste batzuk ere.
  • Federatuak: Lehiaketa ofizialean parte hartzeko ezinbestekoa da mendian federatuta egotea.
  • Egiaztapena: XX. mendean postontzietan uzten ziren paperezko txartelen bidez egiaztatzen ziren igoerak. Gaur egun, EMF Mendiak aplikazio ofizialaren bidez ere balioztatu daitezke (GPS bidez edota tontorrean argazkia aterata).

Saria eta Aitortza:

Hau ez da benetako lehiaketa bat. Mendizaleek ez dute beste inoren aurka lehiatzen eta ez da abiadura proba bat. Helburu nagusia da Euskal Herriko txokoak ezagutzea mendiaz gozatzen dugun bitartean. Ehun Mendien Ermandadeak aitortza eta diploma bat emango dizkio erronka burutzen duen mendizaleari eta Ermandadean sartuko da.

Ikus araudi zehatza eta mendien katalogoa EMFren eta Ermandadearen webgunean: