mendiak APP
Euskal Herriko mendien aplikazioa
Zure igoerak markatzeko jaitsi Mendiak
Mendiak APP
Euskal Herriko mendien aplikazioa
Zure igoerak markatu, argazkiak igo edota balorazioak gehitzeko jaitsi Mendiak
Lantz eta Anue ibarraren artean kokatutako tontorra da Urdanatz, Erbilarreta izenez ere ezaguna. Inguruko beste mendi batzuen antzera, magaletako pagadi zabalak eta tontor inguruko larre eremuak uztartzen ditu. Gailur leun eta borobila dauka eta bertatik Lantz inguruaren, Anue ibarraren zein Iruñerri aldera dauden mendien ikuspegi oso atsegina dago. Xuriain eta Saioa handiak ere ez ditu urruti.
Igotzeko, Egozkueko mendatea edo Lantz herria izaten dira aukerarik ohikoenak. Tontorrerako bideak mendi-bizkar luzeak marrazten ditu, pausoa asko behartu gabe altuera pixkanaka irabazteko aukera emanez. Ibilbidean zehar, mendizaleak zuhaitz arteko itzaletatik gailurreko argitasunera pasako dira urratsez urrats; eta basotik atera orduko, paisaiaren zabaltasunak erabat sarituko du egindako ahalegina.
Informazio gehiago:
