Larra mendilerroa

Euskal Herriko ekialdeko mugan dagoen mendilerro karstikoa da Larra, Erronkari ibarreko (Nafarroa Garaia) lurretan zabaltzen dena. 2.000 metrotik gora altxatzen den kareharrizko masa erraldoi bat da, fauna eta flora aberatsekoa, Euskal Herrian beste inon aurkituko ez duguna. Bertan bizi dira, besteak beste, gure lurraldeko azkenengo hartzak eta basoilarrak. Mendilerroko ingurune batzuk babestuta daude, hala nola, Ukerdiko eta Aztaparretako Erreserba Integralak. Mendilerro honetan aurkituko ditugu Euskal Herriko gailurrik altuenak, esate baterako, Auñamendi (berez Biarnoko lurretan), Hiru Erregeen Mahaia, Budogia eta Ukerdi.