Entziako mendilerroko tontorrik garaiena da. Mirutegi mendi-gailurraren alboan dago (1.197 m). Mirutegi, beharbada, ezagunagoa da (burdinazko gurutze handi bat duelako), baina pixkat gorago dagoen Baio da tontor nagusia (eta 100 mendien lehiaketarako puntuagarria). Arabako lautadaren ikuspegi paregabea dago gailurreko amildegietatik. Behe-behetik igo daiteke (Okariz edo Durrumatik); bestela, Opakuaraino autoz igota (edota Legaireraino iritsita), mendizalearen mailaren arabera.
Informazio praktikoa:
- Durrumatik: 2 ordu (5,5 km)
- Opakuatik: 1,5 ordu (5 km)
- Legairetik: 1 ordu (3 km)