Hiru izen dituen mendia, Karakate, Muneta edo Kortazar, nahiz eta gaur egun, inguruko herrietan, batez ere Karakate izenez ezagutzen den. Soraluze eta Elgoibar artean dago; eta autoz igotzeko Soraluzetik dago bidea. 756 metroko garaiera du eta Mazelaegiko mendilerroaren hasiera da. Bertatik Elosuraino doan mendigain nahiko laua dago eta aztarna megalitiko ugari. Ezagunena Arribirilletako menhirra da (Irukurutzeta tontor aldamenean).
Informazio praktikoa:
- Soraluzetik: 1,5 ordu (5 km)
- Elgoibartik: 1,5 ordu (4 km)